ਕੋਰੋਨਾਵਾਇਰਸ: ਇੱਕ ਆਰਥਿਕ ਮੌਕਾ| Coronavirus: An Economic Opportunity

ਪੂਰੀ ਦੁਨੀਆਂ ਇਸ ਸਮੇਂ ਕੋਰੋਨਾਵਾਇਰਸ ਨਾਮ ਦੀ ਮਹਾਂਮਾਰੀ ਨਾਲ ਗ੍ਰਸਤ ਹੈ। ਬਹੁਤ ਸਾਰੇ ਵਿਕਸਿਤ ਦੇਸ਼ਾਂ ਵਿੱਚ ਇਸ ਦਾ ਪ੍ਰਬਾਵ ਦੇਖਣ ਨੂੰ ਮਿਲਿਆ ਹੈ। ਦੂਜੇ ਪਾਸੇ ਭਾਰਤ ਵਿੱਚ ਸ਼ੁਰੂ ਵਿੱਚ ਹੀ ਫ਼ਲਾਈਟਾਂ ਬੰਦ ਕਰਨ ਅੱਤੇ ਇਸਤੋਂ ਬਾਅਦ ਲਾਕਡਾਉਨ ਵਰਗੇ ਫ਼ੈਸਲਿਆਂ ਨੇ ਕੋਰੋਨਾਵਾਇਰਸ ਨੂੰ ਠੱਲ ਪਾਉਣ ਵਿੱਚ ਮੱਦਦ ਕੀਤੀ ਹੈ। ਇੱਕ ਚੰਗੀ ਨੀਤੀ ਅੱਤੇ ਸਿਹਤ ਸਾਵਧਾਨੀਆਂ ਨਾਲ ਚੱਲਦੇ ਹੋਏ, ਇਸ ਮੁਸ਼ਕਿਲ ਦੀ ਘੜੀ ਨੂੰ ਇੱਕ ਆਰਥਿਕ ਮੌਕੇ(Coronavirus: An Economic Opportunity) ਦੇ ਰੂਪ ਵਿੱਚ ਬਦਲਿਆ ਜਾ ਸਕਦਾ ਹੈ। 

”ਚੀਨੀ ਭਾਸ਼ਾ ਵਿੱਚ ਸੰਕਟ ਸ਼ਬਦ ਦੋ ਅੱਖਰਾਂ ਤੋਂ ਬਣਦਾ ਹੈ, ਇੱਕ ਦਾ ਮਤਲਬ ਖ਼ਤਰਾ ਅੱਤੇ ਦੂਜੇ ਦਾ ਮੌਕਾ ਹੈ। ਸੰਕਟ ਦੀ ਘੜੀ ਵਿੱਚ, ਖ਼ਤਰੇ ਤੋਂ ਸਚੇਤ ਰਹੋ, ਪਰ ਮੌਕੇ ਦੀ ਵੀ ਪਹਿਚਾਣ ਕਰੋ।” — ਜੌਹਨ ਐਫ. ਕੈਨੇਡੀ, ਅਮਰੀਕਾ ਦੇ 35ਵੇਂ ਰਾਸ਼ਟਰਪਤੀ

ਬਾਕੀ ਦੇਸ਼ਾਂ ਦੇ ਮੁਕਾਬਲੇ, ਹੁਣ ਤੱਕ ਭਾਰਤ ਦੀ ਸਥਿਤੀ ਕਾਬੂ ਵਿੱਚ ਦਿੱਖ ਰਹੀ ਹੈ। ਇਸ ਕਾਰਨ ਵਿਦੇਸ਼ੀ ਨਿਵੇਸ਼ਕਾਂ ਅੱਤੇ ਗਾਹਕਾਂ ਨੇ ਭਾਰਤੀ ਉਦਯੋਗ ਅੱਤੇ ਸੇਵਾਵਾਂ ਵਿੱਚ ਰੂਚੀ ਦਿਖਾਉਣੀ ਸ਼ੁਰੂ ਕੀਤੀ ਹੈ। ਬਹੁਤ ਸਾਰਿਆਂ ਵਿਦੇਸ਼ੀ ਕੰਪਨੀਆਂ ਨੇ ਇਸ ਸੰਬੰਦ ਵਿੱਚ ਕੰਮ ਵੀ ਸ਼ੁਰੂ ਕਰ ਦਿੱਤਾ ਹੈ, ਜਿਵੇਂ ਕਿ ਦਵਾਈਆਂ ਆਦਿ। ਇਸ ਤੋਂ ਇਲਾਵਾਂ, ਬਹੁਤ ਸਾਰੇ ਦੇਸ਼ ਚੀਨ ਨੂੰ ਆਪਣਾ ਵਪਾਰ ਦੇਣ ਤੋਂ ਕਿਨਾਰਾ ਕਰ ਰਹੇ ਹਨ। ਜਾਪਾਨ, ਜਰਮਨੀ, ਆਸਟ੍ਰੇਲੀਆ ਅੱਤੇ ਅਮਰੀਕਾ ਵਰਗੇ ਦੇਸ਼ਾਂ ਨੇ ਇਸ ਵੱਲ ਕਾਫ਼ੀ ਕਦਮ ਚੁੱਕੇ ਹਨ। ਜਾਪਾਨ ਨੇ ਆਪਣੇ ਦੇਸ਼ ਦੀਆਂ ਕੰਪਨੀਆਂ ਨੂੰ ਚੀਨ ਵਿੱਚ ਕੰਮ ਬੰਦ ਕਰਨ ਲਈ ਆਰਥਿਕ ਸਹਾਇਤਾ ਕਰਨ ਦਾ ਫ਼ੈਸਲਾ ਲਿਆ ਹੈ। ਦੂਜੇ ਪਾਸੇ ਕਈ ਅਫ਼ਰੀਕੀ ਦੇਸ਼ ਚੀਨ ਵਿੱਚ ਹੋ ਰਹੇ ਨਸਲੀ ਵਿਤਕਰੇ ਤੋਂ ਪਰੇਸ਼ਾਨ ਹਨ। 

ਭਾਰਤ ਜ਼ਰੂਰੀ ਵਸਤਾਂ ਦੀ ਆਪਣੀ ਘਰੇਲੂ ਮੰਗ ਪੂਰੀ ਕਰਨ ਦੇ ਕਾਬਿਲ ਹੈ। ਇਸ ਤਰਾਂ ਵਾਧੂ ਸਾਧਨਾਂ ਨੂੰ ਨਿਰਯਾਤ ਕਰਨ ਅੱਤੇ ਨਿਰਯਾਤ ਲਈ ਵਸਤਾਂ ਤਿਆਰ ਕਰਨ ਵਿੱਚ ਵਰਤਿਆਂ ਜਾ ਸਕਦਾ ਹੈ। ਇਸ ਮੌਕੇ ਨੂੰ ਕਾਮਿਆਂ ਅੱਤੇ ਉਤਪਾਦਾਂ ਦੀ ਗੁਣਵੱਤਾ ਵਿੱਚ ਵਾਧਾ ਕਰਨ ਲਈ ਵੀ ਵਰਤਿਆ ਜਾ ਸਕਦਾ ਹੈ। ਭਾਰਤ ਜਿਹਨਾਂ ਵਸਤਾਂ ਅੱਤੇ ਸੇਵਾਵਾਂ ਦਾ ਆਯਾਤ ਕਰਦਾ ਹੈ, ਉਹਨਾਂ ਖੇਤਰਾਂ ਵਿੱਚ ਆਤਮਨਿਰਭਰ ਹੋਣ ਦੀ ਵੀ ਕੋਸ਼ਿਸ਼ ਕੀਤੀ ਜਾ ਸਕਦੀ ਹੈ। ਇਸ ਨਾਲ ਵਿਦੇਸ਼ੀ ਮੁਦਰਾ ਭੰਡਾਰ(Foreign exchange reserves) ਦਾ ਕਾਫ਼ੀ ਹਿੱਸਾ ਬਚਾਇਆ ਜਾ ਸਕਦਾ ਹੈ। ਹਲਾਂਕਿ ਕਿ ਰਵਾਇਤੀ ਖੇਤਰਾਂ ਜਿਵੇਂ ਔਟੋਮੋਬਿਲੇਸ ਅੱਤੇ ਇਲੈਕਟ੍ਰੋਨਿਕਸ ਵਿੱਚ ਬਦਲਾਅ ਆਉਣ ਵਿੱਚ ਸਮਾਂ ਲੱਗ ਸਕਦਾ ਹੈ। 

ਇਸ ਮੌਕੇ ਦਾ ਫ਼ਾਇਦਾ ਉਠਾਉਣ ਲਈ ਕੀ ਕਰਨ ਦੀ ਲੋੜ ਹੈ?

ਕੁੱਝ ਸਿਲਸਿਲੇਵਾਰ ਬਦਲਾਅ ਲਿਆ ਕੇ ਇਸ ਸੰਕਟ ਨੂੰ ਮੌਕੇ ਦੇ ਰੂਪ ਵਿੱਚ ਵਰਤਿਆਂ ਜਾ ਸਕਦਾ ਹੈ। ਉਦਾਹਰਣ ਦੇ ਤੌਰ ਤੇ:

• ਕੋਰੋਨਾਵਾਇਰਸ ਮੁਕਤ ਇਲਾਕਿਆਂ ਨੂੰ ਲੜੀਵਾਰ, ਇੱਕ ਵਿਸ਼ੇਸ਼ ਨੀਤੀ ਹੇਠ ਖੋਲ੍ਹਣਾ ਪਵੇਗਾ।
• ਸਿਹਤ ਨਿਯਮਾਂ ਜਿਵੇਂ: ਸੋਸ਼ਲ ਡਿਸਟੇਨਸਿੰਗ, ਮਾਸਕ ਅੱਤੇ ਗਲਵਜ਼ ਦੀ ਵਰਤੋਂ ਲਾਜ਼ਮੀ ਕਰਨਾ।
• ਕੋਰੋਨਾਵਾਇਰਸ ਤੋਂ ਬਚਣ ਲਈ, ਸਰੀਰ ਨੂੰ ਰੋਗਾਂ ਨਾਲ ਲੜਨਯੋਗ ਬਣਾਉਣ ਵਾਲੇ ਤਰੀਕੇ ਪ੍ਰਚੱਲਿਤ ਕਰਨ ਦੀ ਲੋੜ ਹੈ।
• ਸਮਾਜਵਾਦੀ ਨੀਤੀ ਛੱਡ ਕੇ ਪੂੰਜੀਵਾਦੀ ਨੀਤੀ ਨੂੰ ਅਪਣਾਉਣਾ ਪਵੇਗਾ।
• ਦੇਸੀ ਉਦਯੋਗਾਂ ਅੱਤੇ ਵਪਾਰੀਆਂ ਨੂੰ ਪ੍ਰੋਤਸਾਹਿਤ ਕਰਨਾ ਪਵੇਗਾ।
• ਆਮ ਤੌਰ ਤੇ ਸਰਕਾਰਾਂ ਵਿੱਤੀ ਘਾਟੇ ਤੋਂ ਬੱਚਦਿਆਂ ਹਨ, ਇਹ ਮੌਕਾ ਹੈ ਜਿਸ ਨਾਲ ਖ਼ਜਾਨੇ ਖੋਲ੍ਹੇ ਜਾ ਸਕਦੇ ਹਨ।
• ਸਰਕਾਰੀ ਕਾਰਵਾਈ ਅੱਤੇ ਸਰਕਾਰੀ ਅਫ਼ਸਰਾਂ ਦੀ ਮਨਮਰਜ਼ੀ ਘੱਟ ਕਰਕੇ।
• ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ ਦੀ ਲੋੜ ਹੈ।
• ਕਾਨੂੰਨ ਅੱਤੇ ਵਿਵਸਥਾ ਵਿੱਚ ਸੁਧਾਰ ਕਰਨ ਦੀ ਲੋੜ ਹੈ।

ਇਸ ਮੌਕੇ ਦਾ ਲਾਭ ਸਰਕਾਰ, ਉਦਯੋਗ, ਵਪਾਰੀ ਅੱਤੇ ਆਮ ਜਨਤਾ ਕਿੰਞ ਚੁੱਕਦੀ ਹੈ, ਇਹ ਸਮੇਂ ਦੇ ਨਾਲ ਹੀ ਪਤਾ ਲੱਗ ਸਕੇਗਾ। ਵਿਦੇਸ਼ੀ ਨਿਵੇਸ਼, ਆਯਾਤ ਨੂੰ ਘੱਟ ਕਰਨ, ਨਿਰਯਾਤ ਨੂੰ ਵਧਾਉਣ, ਅੱਤੇ ਰੁਜ਼ਗਾਰ ਵਿੱਚ ਵਾਧੇ ਲਈ(Coronavirus: An Economic Opportunity) ਇਹ ਸਭ ਕਦਮ ਚੱਕਣਾ ਬੇਹੱਦ ਜ਼ਰੂਰੀ ਹੈ।

ਨੋਟ:- ਇਸ ਲੇਖ ਤੇ ਸੁਝਾਅ ਦੇਣ ਅੱਤੇ ਹੋਰ ਜਾਣਕਾਰੀ ਲਈ, ਕੰਮੈਂਟ ਅੱਤੇ ਲਾਇਕ ਕਰੋ। ਲਗਾਤਾਰ ਜਾਣਕਾਰੀ ਅੱਤੇ ਖਬਰਾਂ ਲਈ ਫੇਸਬੁੱਕ ਅੱਤੇ ਟਵਿੱਟਰ ਤੇ ਜੁੜੋ। Follow for more daily punjabi news and latest punjabi news.